Sante ak Benefis Piblik yo
Benefis piblik Ohio yo
Si w ap viv nan Ohio epi ou bezwen kèk sipò anplis, ou ka kalifye pou sèten benefis. Li plis pou w konnen ki benefis ou ka kalifye pou yo ak kijan pou w aplike pou yo.
Ohio ofri diferan kalite benefis ki ka ede ak manje, swen sante, lojman, chomaj ak andikap.
Pwogram manje ak sante
Pou moun ak fanmi ki gen mwens revni, pwogram sa yo ka ede:
- SNAP oubyen lòt asistans manje ka ede w si ou pa gen mwayen pou achte manje.
- WIC ka ede fanm ansent ak timoun 5 an oswa mwens jwenn manje ki bon pou sante, lèt an poud pou tibebe ak tès depistaj sante.
- Medicaid ka bay pwoteksyon sante si ou gen yon ti revni epi ou pa gen asirans sante.
- Èd pou bòdwo sèvis piblik yo ka ede w ak depans chofaj ak klima si w gen yon ti revni.
Èd lajan kach
Pou fanmi ki gen ti mwayen epi ki gen timoun:
- Ohio Works First (ke yo rele tou TANF oubyen byennèt sosyal) ka ede w peye pou lojman, medikaman, sèvis piblik ak lòt bagay ou bezwen.
Genyen tou pwogram asistans lajan kach ki disponib pou moun ki nan sitiyasyon espesyal:
- Peman chomaj yo ka ede w si w pèdi travay ou epi w pa t kapab jwenn yon lòt.
- Sekirite Sosyal ka ede w si w gen yon andikap ki anpeche w travay.